خوشی

خوشی کی داستاں کوئی نہیں ہے
محبت ہے وفا کوئی نہیں ہے

جہاں ہر پل نمی آنکھوں میں ٹھہرے
وہاں نوحہ کناں کوئی نہیں ہے

یہی تو ظلم ہے میرے نگر میں
بیاں ہے ! پر زباں کوئی نہیں ہے

جہاں انسانیت ہے شرطّ ِ اوّل
وہاں انساں نما کوئی نہیں ہے

خوشی میری مخاطب یوں ہے مجھ سے
جہاں میں ہوں وہاں کوئی نہیں ہے

ہوا یہ تجربہ طغیانیوں کا
خدا ہے ! ناخدا کوئی نہیں ہے

مصیبت سر پہ میرے ہاتھ رکھ کر
یہ کہتی ہے میرا کوئی نہیں ہے

یہاں ہر سمت رسم ِ خوں ہے رقصاں
ہیاں رسم ِ حنا کوئی نہیں ہے

عبیر ِ آشنا سے کہ دو جا کر
گلستاں میں بچا کوئی نہیں ہے