دست الفت بڑھا کر دیکھیں گے

دست الفت بڑھا کے دیکھیں گے
پیار کو آز ما کے دیکھیں گے

کیا ہے ملتا جواب اس کا اب
حال دل کا سنا کے دیکھیں گے

پیار کتنا میں کرتا ہوں ان سے
وقت آیا بتا کے دیکھیں گے

طنطنہ اب نہیں دکھائیں گے
پیار سے ہم بلا کے دیکھیں گے

خواب میں آتے ہیں جو روز مرے
دل سے اپنے بھلا کے دیکھیں گے

پیار کی دنیا ہم بسائیں گے
دل کسی سے لگا کے دیکھیں گے

آرزو ہے پہی مرے دل میں
پاس اپنے بٹھا کے دیکھیں گے

خواہشیں پوری سب کریں گےاب
اپنی دولت لٹا کے دیکھیں گے

جب نظر آئے گا مرا ساجن
ہاتھ اپنے ہلا کے دیکھیں گے