ریگ زار و بحر و بر کچھ بھی نہیں

ریگ زار و بحر و بر کچھ بھی نہیں
زندگی میں خوب تر کچھ بھی نہیں

کس لیے مانگیں دعائیں روز و شب
جب دعاؤں میں اثر کچھ بھی نہیں

تو گیا آنکھوں کی بینائی گئی
پھو ل پھل،پتے شجر کچھ بھی نہیں

زندگی تجھ کو بتانے کے لیے
شعر کہنے کا ہنر کچھ بھی نہیں

ساتھ تم ہو تو ہمارے واسطے
یہ سفر اے ہم سفر کچھ بھی نہیں

پوچھیے خانہ بدوشوں سے کبھی
کون کہتا ہے کہ گھر کچھ بھی نہیں

میرے بارے کہہ رہا تھا اب وہی
وہ پر ی آشفتہ سر کچھ بھی نہیں

لو چلے ہیں ہم بھی اب سوئے عدم
تم گئے ہوتو ادھر کچھ بھی نہیں

سلمیٰ رانی کاٹ لیں گے دیکھنا
زندگانی کا سفر کچھ بھی نہیں