سمندر میں سمندر کو اتر جاتے بھی دیکھا ہے
Poet: muhammad nawaz By: muhammad nawaz, sangla hillتیری آنکھوں میں خواہش کو بکھر جاتے بھی دیکھا ہے
سمندر میں سمندر کو اتر جاتے بھی دیکھا ہے
حقیقت عکس میں ہوتی تو کیا مجھکو شکایت تھی
میرے اشکوں نے درپن کو مکر جاتے بھی دیکھا ہے
مراحل ایک ساعت میں سہم کر ٹھہر جاتے ہیں
نگاہوں کو کچھ ایسے کام کر جاتے بھی دیکھا ہے
نہ اس میں میکدہ درکار نہ ساقی نہ پیمانہ
تمہاری یاد سے ساغر کو بھر جاتے بھی دیکھا ہے
سمٹتی کہکشاں دیکھی ہے تیرے روپ میں اکثر
تیرے قدموں میں تاروں کو بکھر جاتے بھی دیکھا ہے
کہاں اس میں ہے اتنی تاب کہ چھینے تری یادیں
غم دوراں کو سینے سے گزر جاتے بھی دیکھا ہے
تمہارے عشق نے کچھ اس قدر وحشت عنایت کی
منازل تک کو اس وحشت سے ڈر جاتے بھی دیکھا ہے
Rate it: 
Views: 874
26 Feb, 2012
More Sad Poetry
مصیبت میں پکارتا رہا میں ہر سُو مدد کے واسطے، مصیبت میں پکارتا رہا میں ہر سُو مدد کے واسطے،
لیکن میری مدد کو میرے سِوا کوئی نہ پہنچا کبھی۔
میں تنہا جلتا رہا، لوگ تماشائی بنے رہے،
چمکتی روشنی میں میرا سایہ بھی نہ تھا کبھی۔
نہ اپنوں نے سنی دل کی صدا، نہ غیروں نے سمجھا کچھ،
غرض تنہائیوں میں دل کو چین ہی نہ آیا کبھی۔
کسی نے درد پوچھا، زخم کو محسوس بھی نہ کیا،
دلِ مجروح پر مرہم سا لفظ آیا نہ تھا کبھی۔
وفا کا نام لے کر وہ فقط وعدوں میں مصروف تھا،
جو خوابوں میں رہا، وہ خواب بھی سچ ہو نہ سکا کبھی۔
مظہرؔ کی خاک بھی شاید سوالی تھی دعاؤں کی،
لبوں سے بھی کسی کے نام اُس کا آ نہ سکا کبھی۔
لیکن میری مدد کو میرے سِوا کوئی نہ پہنچا کبھی۔
میں تنہا جلتا رہا، لوگ تماشائی بنے رہے،
چمکتی روشنی میں میرا سایہ بھی نہ تھا کبھی۔
نہ اپنوں نے سنی دل کی صدا، نہ غیروں نے سمجھا کچھ،
غرض تنہائیوں میں دل کو چین ہی نہ آیا کبھی۔
کسی نے درد پوچھا، زخم کو محسوس بھی نہ کیا،
دلِ مجروح پر مرہم سا لفظ آیا نہ تھا کبھی۔
وفا کا نام لے کر وہ فقط وعدوں میں مصروف تھا،
جو خوابوں میں رہا، وہ خواب بھی سچ ہو نہ سکا کبھی۔
مظہرؔ کی خاک بھی شاید سوالی تھی دعاؤں کی،
لبوں سے بھی کسی کے نام اُس کا آ نہ سکا کبھی۔
MAZHAR IQBAL GONDAL
