سِلسلے یہ قُربتوں کے جاری رکھنا

سِلسلے یہ قُربتوں کے جاری رکھنا
کیفئیتیں مُحبتوں کی طاری رکھنا

بے سبب ہی سہی اُنسے ملاقات اپنی
اعلٰی ظرفی ہےاُنکی بات ہماری رکھنا

بات غُنچے کی پھول بننے تک تھی
چلتی پھرتی یوُنہی بادِ بہاری رکھنا

حسرت و یاس نہ کبھی ہو نے دینا
حشر میں بھی کمالِ دل داری رکھنا

ہمارے حصے کی دنیا میں ہے عجب رَیا
نظام جمھُوری روئیّے اِستعماری رکھنا

بہت مُشکل و کم یاب ہے زمانے میں
زباں پہ حرفِ وفا دل میں وفاداری رکھنا

بعدِ حصُول منزل ِ شوق نہیں آساں
ولولہء تازہ دل میں بے قراری رکھنا

کتنا آساں ہے ابن ِ آدم کے لئیے
زبان شِیریں بغل میں کٹاری رکھنا