ضروری ہے

خود سے اپنی بات کو تنہائی ضروری ہے
خود سے خود کی ملاقات کو تنہائی ضروری ہے

جگ والوں کیلئے دن میں بھی رویا جا سکتا ہے
لیکن خود پہ رونے کو رات کو تنہائی ضروری ہے

دوستوں عزیزوں رقیبوں کا حق صحیح مگر
کچھ پل کو اپنی ذات کو تنہائی ضروری ہے

جو اپنے تخیل میں دن رات بھٹکتے رہتے ہیں
سمیٹنا ہے ان خیالات کو تنہائی ضروری ہے

عظمٰی میرے وجود منتشر کی ردا کیلئے
اور ارتقائے ذات کو تنہائی ضروری ہے