عجیب اشک ہیں

میں سونا چاہتی ہوں مگر سونے نہین دیتے
جگا دیتے ہین نیند پوری ہونے نہیں دیتے

جب بھی اپنی یادوں میں کھو جانا چاہوں
وہیں چونکا دیتے ہیں کھونے نہیں دیتے

عجیب اشک ہیں جو آنکھوں سے باہر نہیں آتے
میری آنکھوں کو کبھی کھل کر رونے نہیں دیتے

میری روح پر لگے ہوئے داغ نہاں بھی
کبھی آنسوؤں سے وہ دھونے نہیں دیتے

وہ خوشی نہیں دیتے تو دکھ بھی نہیں دیتے
ہنسنے نہیں دیتے ہیں تو رونے نہیں دیتے

انہیں بھی برسات بہت بھاتی ہے لیکن
بارش میں آنچل بھگونے نہیں دیتے

پھولوں کی خوشبو انہیں بھی پسند ہے
مگر پھول آنگن میں بونے نہیں دیتے

اگرچہ میرے پاس آتے سے گریزاں رہتے ہیں
مجھے خود سے دور بھی ہونے نہیں دیتے

عظمٰی وہ پہلو میں رہتے ہوئے بھی
اپنے تصرف میں ہونے نہیں دیتے