غریب جسموں کی نَنگ جیسا
Poet: مِہر لیاقت گنپال By: Mehr Liaqat Gunpal, Multanمیں سوکھے پتوں کے رنگ جیسا
لبوں کی بجھتی اُمنگ جیسا
پھٹے سے تن پہ غبار کپڑے
دھمالِ درداں ملنگ جیسا
ویران رستوں پہ اگ پڑے جو
میں مست مادھو کی بھنگ جیسا
میں گورِ گرداں میں عشق سویا
میں ہیر رانجھےکے جھنگ جیسا
نزع سے پہلے کی سسکیوں میں
میں بہتی سانسوں کی جنگ جیسا
کلائی اجڑی میں ایک ٹوٹی
میں نار روتی کی وَنگ جیسا
شکستہ قبروں میں مِہر لیٹے
غریب جسموں کی نَنگ جیسا
Rate it: 
Views: 532
22 Mar, 2016
More Sad Poetry
