مجھ سے اب میری ملاقات کہاں
Poet: dr.zahid sheikh By: dr.zahid sheikh, lahore,pakistanآج تنہائی کے لمحات کہاں
مجھ سے اب میری ملاقات کہاں
فکر فردا میں مبتلا ہو کر
چین کا دن سکوں کی رات کہاں
زندگی میں کئی مسائل ہیں
وہ ترے خواب و خیالا ت کہاں
دل میں الفت کے ساز ٹوٹ گئے
لب پہ پہلے سے وہ نغمات کہاں
چمپئی دن ہیں سرمئی راتیں
پر مچلتے ہوئے جزبات کہاں
اک تغیر ہے ہر گھڑی رقصاں
زندگی میں ہمیں ثبات کہاں
میں کہ ذرہ حقیر سا زاہد
اور ساری یہ کائنات کہاں
Rate it: 
Views: 432
25 Nov, 2012
More Life Poetry
