ناں میں سوہنی ، ناں میں سسی ، ناں میں ہیر سیالاں دی

ناں میں سوہنی ، ناں میں سسی ، ناں میں ہیر سیالاں دی
نہ میں تیرے دِل دا چانن ، ناں تصویر خیالاں دی

چپُ رہ کے میں مجرم بن گییٔ ،مینوں کجھُ وی سجھیا ناں
اوہنے جد برسات سی کیتی تکھے تندُ سوالاں دی

ماۓ دونویں وِیر تے میرے سجے کھبے بازوُ سن
اِک دوُجے توُں وکھ ہو بیٹھی کیویں جوڑی لا لاں دی ؟

سارے شہر چ کرو منادی کویٔ وی نہ نکلے باہر
فیر شکاری لے کے آۓ کھیپ سنہرے جالاں دی

سرِ توں لے کے پیراں تاییںٔ ڈُبی ساں میں خاباں وِچ
مینوُں کینویں خبر وی ہوندی اڑیا تیریاں چالاں دی

لکھ واریں سمجھا بیٹھی آں اوہنوں پر اوہ سمجھے وی
ہا بدعا نیںٔ لینی چنگی عذراؔ کالیاں والاں دی