نہ ملیں تو اچھا ہے

ہم نہ ملیں تو اچھا ہے ملیہں تو بھرم ٹوٹ جائے گا
سندر سپنوں کا محل ملتے ہی ٹوٹ پھوٹ جائے گا

یہ جو ایک مبہم سا تعلق ہے تمہارے اور میرے درمیاں
اچانک ایک دن اپنا یہ تعلق بھی ٹوٹ جائے گا

میرے دست تخیل نے جو دامن اب تک تھام کے رکھا ہے
حقیقت کے عیاں ہوتے ہی یہ دامن بھی چھوٹ جائے گا

یہ سب سچے افسانے ہیں دور کے دھول سہانے ہیں
وہ میرے پاس آ ئے گا تو وہ مجھ سے روٹھ جائے گا

وہ مجھ سے کہتا رہتا ہے وہ مجھ سے راضی رہتا ہے
وضع داری کا یہ رشتہ بھی نازک ہے آخر ٹوٹ جائے گا

ملیں گے جب ہم ان سے تو بھرم یہ ٹوٹ جائے گا
میرے ہاتھوں سے یہ دامن بھی اکدن چھوٹ جائے گا

سندر سپنوں کا جو حسین محل اس دل نے بنایا ہے
نظروں میں تعبیر سماتے ہی ٹوٹ پھوٹ جائے گا

ہم نہ ملیں تو اچھا ہے ملیہں تو بھرم ٹوٹ جائے گا
سندر سپنوں کا محل ملتے ہی ٹوٹ پھوٹ جائے گا