واری واری پچھن آئیاں

واری واری پچھن آئیاں
چاچیاں دے نال تائیاں

کوئی وی دل دا حال نہ جانے
پہناں نہ پرجائیاں

کنک دا کسے وی مل نا پایا
توری دوے کمائیاں

ربا دنیا اس نوں من دی
جیہڑا کرے خدائیاں

بڈھی بندا راضی جتھے
قاضی پاوے دہائیاں

رلدے ملدے عالم جاہل
کام نہ آن پڑھائیاں

سدائی بنا کہ لٹیا مینوں
بیلی ونڈے مٹھائیاں

ملا بس دو گلاں جانے
مسجد اک حلوائیاں

سمیر پیا وچ کچھ نئیں کٹھیا
سدا ہی رہن جدائیاں