چاروں طرف

شب فتنہ ساماں چاروں طرف
روز نیا جہاں چاروں طرف

میں تنہا محفل میں لیکن
میرے بد گماں چاروں طرف

میری کہانی ، میری بے زبانی
میرے بد زباں چاروں طرف

ساحل ہے نہ کشتی میری
مگر بحر بے کراں چاروں طرف

رقصاں ہے لاشوں کا ہجوم
بے کفن انساں چاروں طرف

یزید شہر کا سنتے ہیں
عجب سا اعلاں چاروں طرف

ستم اتنا عام ہو گیا
پھیل گئی داستاں چاروں طرف

شرمانے لگی ہے شام کر بلا
حکائت خون چکاں چاروں طرف

ہر شخص سوچ میں گرفتار
کیسا ہے امتحاں چاروں طرف

شب تیرہ ، اس پر مزید
طوفان باد و باراں چاروں طرف

رہبر ہے نہ کوئی رہنما
کارواں منتشر پریشاں چاروں طرف

بے نشاں ، امن و اماں سارا
موت کا ساماں چاروں طرف

کرتا ہے ادا ہر شخص طاہر
یہاں رسم سوگواراں چاروں طرف