چاند بَن جا تاریک راتوں کا

سوز کہتا ہے تیری باتوں کا
تو مُسافر ہے فقط راتوں کا

تیری رُخسار پر غبارِ راہ
چشمِ آلود خشک سا دریا
تیرا چہرہ ہے یا کوئی صحرا

تیرے زخموں کے زاویے ایسے
جیسے لشکر بَلا کا ٹوٹا بو
تیری اُفسردگی بتاتی ہے
تجھے محافظوں نے لوٹا ہو

تیرے وجود کا اِشارہ ہے
کہ جیسے بھوک تیرا چارہ ہے
تجھے بے چارگی نے مارا ہے
یا تیری سادگی نے مارا ہے

تیری ہر بات اَن کہی لیکن
تیرے سکوت نے کہی لیکن
جس کا ڈر تھا ہوا وہی لیکن
تو نے تکلیف تو سَہی لیکن

اِس سے پہلے تجھے عدو آ لے
گوہر اِک ذات میں نمو پَا لے
کیوں نمونہ بنا ہے ذاتوں کا
چاند بن جا تاریک راتوں کا