چلو اک نئے سرے سے سجاتے ہیں زندگی

چلواک نئے سرے سے سجاتے ہیں زندگی

کچھ نئی منزلیں کچھ نئے راستے
کچھ نئے مرحلے کچھ نئے ضابطے
اک نئے آسماں کی تلاش میں
کچھ نئے پروں کو سنوار لیں
اک نئی پھر سے اڑان بھریں نئی زندگی کے واسطے

چلو اک نئے سرے سے سجاتے ہیں زند گی

سب غموں کو اب بھلا کر
جینا ہے سر اٹھا کر
اک نئے آشیاں کی تلاش میں
گھر میں خوشیاں نئی سجا کر

چلو اک نئے سرے سے سجاتے ہیں زندگی

زندگی ہم سے ہے جو چھن چکی
کیوں اس پر بیٹھے اب اشک بہائیں ہم
اک گلستاں تھا ہمارا جو اجڑ چکا
کیوں نہ نئے سرے سے اسے سجائیں ہم
اور دنیا کو یہ پیغام اپنا دے جائیں ہم

چلو اک نئے سرے سے سجا تے ہیں زندگی