ہر درد کا ہے رنگ عیاں میرے مکاں میں

ہر درد کا ہے رنگ عیاں میرے مکاں میں
گونجی ہے مری آہ وفغاں میرے مکاں میں

اترے ہیں مری چھت پہ جو رحمت کے فرشتے
ہوتی ہے محبت کی اذاں میرے مکاں میں

ہر شاخ پہ بیٹھی ہے تری یاد کی تتلی
کیا خوب ہے خوشبو کا سماں میرے مکاں میں

ہر سمت بہاروں نے بنا رکھےہیں ڈیرے
آئے گی کبھی ان نہ خزاں میرے مکاں میں

لگتا ہے کسی روز میں ہوجاؤں گی اندھی
پھیلا ہے محبت کا دھواں میرے مکاں

کرتی ہوں رقم سارے فسادات میں وشمہ
اتنے ہیں یہاں وہم وگماں میرے مکاں میں