ہمیں خلوص بھی نہ مل سکا زمانے سے

عجیب لوگ ہیں باتوں سے مار دیتے ہیں
یوں بازی جیت کے بھی ہم تو ہار دیتے ہیں

نہ جینا آیا ہمیں آج تک زمانے میں
جو قدر کرتے نہیں ان کو پیار دیتے ہیں

ہمیں خلوص بھی نہ مل سکا کسی سے کبھی
ہم اپنی جان بھی لوگوں پہ وار دیتے ہیں

ہمارا ظرف تو دیکھو کہ دشمنوں کو سدا
خذاں کے بدلے میں مہکی بہار دیتے ہیں

مدد کے ہم سے ہیں طالب جو وقت پڑنے پر
ہمیں یہ کہتے تھے “ہم نہ ادھار دیتے ہیں “

کرو تلاش زمانے میں ان فقیروں کو
جو اک نظر سے دلوں کو قرار دیتے ہیں

بنے ہیں دوست وہ زاہد عدو کہیں جن کو
ہمیشہ پھولوں کے بدلے میں خار دیتے ہیں