یاد تو آتا ہے
Poet: Shakir Khan Niazi By: Shakir Khan Niazi, mianwaliتنہا روتے رہنا یاد تو آتا ہے
ہنس ہنس کر غم سہنا یاد تو آتا ہے
ہونٹ لرزنے کا منظر کب بھولے گا
وہ اشکوں کا بہنا یاد تو آتا ہے
مہندی رنگ کے کپڑوں پر وہ لال چنُی
جو بھی اس نے پہنا یاد تو آتا ہے
کنگن، چوڑی اور وہ پائل چاندی کی
اس کا ہر اک گہنا یاد تو آتا ہے
رات گئے تک مت جاگا کر تُو شاکر
آج بھی اس کا کہنا یاد تو آتا ہے
Rate it: 
Views: 923
18 May, 2008
More Sad Poetry
