اس دیس کو تم گہوارہ امن بنا دو
Poet: سید مجتبیٰ داودی By: سید مجتبیٰ داودی, Karachiاس دیس کو تم گہوارہ امن بنا دو
قائد کے اصولوں کو تم آئین بنا دو
ایوانوں کے تم سب در و دیوار ہلا دو
انصاف بس انصاف کا تم نعرہ لگا دو
انصاف کے قاتل کو کٹہرے میں سزا دو
منصف ہوں اگر ایسے تو منصب سے ہٹا دو
جس نے تمہیں لوٹا وہی اب تخت نشیں ہے
اٹھو نو جوانو تم یہ تخت ہلا دو
یہ سانپ جو بیٹھے ہیں خزانوں پہ تمہارے
وہ بین بجاؤ کے انہیں دھرتی سے بھگا دو
چاہیں ہیں جو ہم امن و اماں سے یہاں رہنا
مرضی ہے عدو کی انہیں آپس میں لڑا دو
بچوں کو سیاست کی ابجد بھی سکھا دو
حق گوئی کا بھی یہ سبق ان کو پڑھا دو
زرخیز زمیں ہے اسے فصلوں سے سجا دو
گوداموں میں گندم کے تم انبار لگا دو
پہنو کوئی پوشاک تو ہو دیس کی اپنے
غیروں سے خریدی ہوئی ہر چیز ہٹا دو
ملا کے لیے قتل تو واجب ہے سبھی کا
اس ملک سے جنگل کا یہ دستور ہٹا دو
ملا کو ذرا باندھ کے رکھ کوئی دن کو
قرآن کے بس درس سے انسان بنا دو
رکھ تو غرض اپنی عبادات سے ہی بس
کیا فرقہ کسی کا ہے یہ اب دل سے بھلا دو
پھر کوئی نہ دیکھے ہم کو ترچھی نظر سے
گروی ہے وطن تم اسے دشمن سے چھڑا دو
میدان سیاست کے اے مانے ہوے مہرو
تم ہار کے اک دن یہ وطن اپنا جتا دو
امید بر آئیں گی مگر افسوس ایسا ہو نہ سکا
ہے نیا جذبہ ہے نیا ولولہ ان کے اندر عجیب طرح
گول ہوتے نہیں ان کھلاڑیوں سے نمائندوں کی طرح
رفتہ رفتہ یہ کھلاڑی ڈھل چکے ہیں زوال کی جانب
نظر نہیں آتی ان کو بھی گول کی کوئی صورت
ہے انجام سے غافل ہر طرح کے چیمپین بھی
انکل سیم کے حواری بھی ہیں بدمست ہاتھی
یہ خُون کے دَھبّے کبھی چہروں سے نہ دھُلیں گے
ہَر شہر میں پھَیلی ہوئی خاموش فَضا کو
آوازِ حَق آئیں گی تو پَتھر بھی ہِلیں گے
یہ وَقت کی عادَت ہے کہ فِرعَون بہت ہیں
مُوسیٰ بھی مگر بَطنِ زَمانہ سے نِکلیں گے
مَعصُوم لَہو مانگ رہا ہے یہ گواہی
تاریخ کے اَوراق میں یہ دن بھی لکھیں گے
زَنجیر کی جھَنکار سے ڈَرنے کی نہ کَہیو
یہ لوگ ہیں، اِک روز یہی زَنجیر بَدلیں گے
جو لوگ سَمجھتے ہیں کہ سَب خَوف میں ہیں قَید
وہ دیکھ لیں، حالات کے دھارے بھی بَدلیں گے
مظہرؔ یہ اَندھیروں کا تَسَلَط ہے فَقط آج
سُورَج ہیں اگر زِندہ تو کل پھر سے نِکلیں گے
ہم تو ووٹ مانگیں تو وعدے ہی سناتے ہیں
شہر کے نگہبانوں کی نیتیں نرالی ہیں
چوریاں بھی کرتے ہیں، شور بھی مچاتے ہیں
عدل کے ایوانوں میں کھیل عجب چلتا ہے
فیصلے وہی ہوتے جو جی کو بھاتے ہیں
اہلِ اقتدار آخر کتنے سادہ ہوتے ہیں
اپنی ہی خطاؤں کو دوسروں پہ ڈھاتے ہیں
درسِ صداقتیں سب دیتے ہیں بڑی شان سے
خود مگر ضرورت پر رنگ ہی بدلاتے ہیں
اہلِ علم بیٹھے ہیں بحث کے مناظرے میں
سچ کی بات آئے تو رخ ہی بدل جاتے ہیں
وشمہ اس زمانے کا حال کیا سنائیں ہم
لوگ سچ کی قیمت پر جھوٹ ہی کماتے ہیں
مصلحت کے قلم سے لکھتے ہیں
بندگی کی سند جبیں پر لوگ
خاکِ دیر و حرم سے لکھتے ہیں
وہی اگلے جنم میں لکھّیں گے
جو وہ پچھلے جنم سے لکھتے ہیں
اپنی رودادِ جادہ پیمائی
ہم تو نقشِ قدم سے لکھتے ہیں
آجکل لوگ داستانِ حیات
خامۂ رنج و غم سے لکھتے ہیں
حال دل ہم جو لکھتے ہیں شاعرؔ
فکر و فن کے قلم سے لکھتے ہیں
کون ہے جو ایسے رستے پر جینے کا اقرار کرے
جو بھی سمجھ لے وقت کی سازش لوگوں کو ہشیار کرے
روزن روزن آنکھیں رکھ دے بات پسِ دیوار کرے
قطرہ قطرہ رات گھلی ہے نیند سے ترسی آنکھوں میں
کوئی اٹھے اور گلیوں گلیوں خوابوں کا بیو پار کرے
زندہ ہو تو احساسِ غزل سے جان چھڑانی مشکل ہے
جیسے کوئی ضدی بچہ سونے سے انکار کرے
کچھ نعرے کچھ درسِ بغاوت شہروں کی دیواروں پر
سناّٹا تحریک چلائے ہنگامہ بازار کرے
شاعرِ بغاوت کے گیتوں کی جو آواز ابھرتی ہے
لفظوں میں شعلوں کی لپک ہے لحظہ بھی جھنکار کرے
کوئی صلہ تو سرِ اختیار دینا تھا
اسے بھی زخم کوئی مستعار دینا تھا
اسے کسی نے تو کافر قرار دینا تھا
وہ برگزیدہ شجر لڑ رہا تھا موسم سے
کہ پھولنا تھا اسے برگ و بار دینا تھا
یہ وہ زمین تھی جو آسماں سے اتری تھی
یہ وہ حوالہ تھا جو بار بار دینا تھا
چھپا کے سب سے ہی اپنا نام اور نشاں
سرِ صلیب کوئی اشتہار دینا تھا
