Aankhain Khuli Rahain Gi Toh

Aankhain Khuli Rahain Gi Toh Manzar Bhi Ayen Gay
Zinda Hai Dil Toh Aur Sitamgar Bhi Ayen Gay

Pehchaan Lo Tamaam Faqeeron Kay Khadd-O-Khaal
Kuch Log Shab Ko Bhais Badal Kar Bhi Ayen Gay

Gehri Khamosh Jheel Kay Paani Ko Yun Na Chaidh
Cheenthay Uday Toh Teri Qaba Par Bhi Ayen Gay

Khud Ko Chhupa Na Sheesha Garon Ki Dukaan Main
Sheeshay Chamak Rahey Hain Toh Pathar Bhi Ayen Gay