Aatish-E-Jazbat Bole, Tar'jumani K Liye

Aatish-E-Jazbat Bole, Tar'jumani K Liye
Lafz Sub Bikhre Pare Hain, Teri Jawani K Liye

Dast-E-Fitrat, Husan-E-Fitrat Ka Muhafiz Ap Hain
Kon Hota Hy Saba Ki Pas'bani K Liye

Tum Kitab-E-Zindgi Par Ghor Kar K Dekhna
Nuqte Nuqte Mein Hain Nuqte, Nuqta'dani K Liye

Be'kashish C Hogaen Husan-E-Zan Ki Ronaqen
Kashish-E-Nau Chahye, Jid'dat Byani K Liye

Insan Rasta Bhatak Kar Is Taraf Ko Aa Gya
Ye Zameen Thi Warna Qeher-E-Aasmani K Liye

Hath Khali Rah Deakhi'n Na Manzil Ka Pata
Phir B Koi Chal Dia Naqal Makani K Liye

Ay Khuda Kuch To Kushada Kar Hudud-E-Kai'naat
Dil Parinda! Muztarib Hy Par'fashani K Liye

Jaan! Be'unwan Hona B To Ek Unwan Hy
Naam Q Makhsus Karty Ho Kahani K Liye