Abhi To Ishq Main Aisa Bhi Haal

Abhi To Ishq Main Aisa Bhi Haal Hona Hay
K Ashq Rokna Tum Se Mohaal Hona Hay

Har Aik Lab Pe Hay Meri Wafa K Afsanay
Tere Sitaam Ko Abhi Lazawal Hona Hay

Tumhain Khabar Hi Nahin Tum To Loot Jao Gay
Tumharay Hijar Main Ik Lamha Sal Hona Hai

Humari Rooh Pe Jaab Bhi Azaab Utrain Hain
Tumhari Yaad Ko Is Dil Ki Dhaal Hona Hai

Kabhi To Roye Ga Woh Bhi Kisi Ki Bahoon Main
Kabhi To Us Ki Hansi Ko Zawal Hona Hayi

Milay Gi Hum Ko Bhi Apne Naseeb Ki Khushiyaan
Bas Intizaar Hai Kab Yeh Kamal Hona Hai

Har Aik Shaks Chalay Ga Humari Rahoon Per
Mohabatoon Main Humahin Woh Misaal Hona Hai

Zamana Jis K Kham-O-Peech Main Ulajh Jaye
Humari Zaat Ko Aisa Sawal Hona Hai

Yaqeen Hai Mujh Ko Woh Loot Aye Ga
Usay Bhi Apne Kiye Ka Malal Hona Hai