Abhi To Ishq Mein Aisa Bhi Haal

Abhi To Ishq Mein Aisa Bhi Haal Hona Hy
Keh Ashk Rokna Tum Se Muhaal Hona Hy

Her Aik Lab Per Hain Meri Wafa Ky Afsany
Tery Sitam Ko Abhi La-Zawal Hona Hy

Tumhein Khabar Hi Nahein, Tum To Lot Jao Gy
Tumhary Hijar Mein Ik Pal Bhi Saal Hona Hy

Milein Gi Hum Ko Bhi Apny Naseeb Ki Khushyan
Bas Intizar Hy Kab Yeh Kamal Hona Hy

Her Aik Shakhas Chaly Ga Humari Rahon Per
Muhabbton Mein Humein Woh Misal Hona Hy

Zamana Jiss Ky Kham-O-Pech Mein Ulajh Jaey
Humari Zaat Ko Aisa Sawal Hona Hy

Yaqeen Hy Mujh Ko Keh Woh Lot Aaey Ga
Ussy Bhi Apny Kiye Ka Malal Hona Hy.