Al-Wida

Hamain jab Al-wida kehnay lago to muskra daina
Sitara sath ker daina
K rastay mein andhairay bhi to aein gay
Kisi harf-e-Dua ka istaara sath ker daina
Hamain zaad-e-safar ko tumhari yaad ki sogaat kafi hai
Tumharay sath mein guzra howa pal bhi ghaanimat hai
kabhi tehray jo rastay mein
Sunehari yaad ki surat tumhain ham-rah paein gay
To ham tanha kahan hoon gay
Magar phir bhi
Hamain jab al-wida kehnay lago to muskura daina
Sitara sath ker daina
Kisi harf-e-Dua ka istaara sath ker daina