Apna Bana Kar Loot'tey Ho Tum

Apna Bana Kar Loot'tey Ho Tum Mere Esaar Ko
Yeh Tou Socho Kya Kahey Gye Log Aisy Pyar Ko

Jaisy Koi Neem Pagal Jis Tarah Khutbi Koi
Pehro Aisy Dekhti Hoon Main Dar O Diwar Ko

Kaisi Aandhi Thi K Patey Sub Ura Ley Gayi
Pal Mein Tanha Kar Gayi Hai Jo Harey (Green) Ashjaar Ko

Torr Di Main Ney Gulami Ki Wo Zanjerein Subhi
Rakh 2 Apney Hath Sey Ab Zulm Ki Talwar Ko

Tum Tou Kehty They Tumhari Abro Hoon Jan Hoon
Dastanein Ab Sunaatey Ho Meri Aagyar Ko

Ab Zamaney Mein Bharosa Kis Pe Azra Kejiye
Naag Ban Kar Das Liya Hai Yar Ney Ik Yar Ko