Apni Dhuup Main Bhi Kuch Jal

Apni Dhuup Main Bhi Kuch Jal
Har Saaye Ke Saath Na Dhal

Lafzon Ke Phoolon Pe Na Ja
Dekh Saron Per Chalte Hal

Dunya Barf Ka Toda Hay
Jitna Jal Sakta Hay Jal

Gham Ki Nahi Aawaz Koi
Kaghaz Kaale Kartaa Chal

Ban Ke Lakeerein Ubhre Hain
Maathe Per Raahon Ke Bal

Main Ne Tera Saath Diya
Mere Muunh Per Kaalak Mal

Aas Ke Phool Khile Baaqi
Dil Se Guzra Phir Baadal