Chakkar Aur Hi Kuchh Tha

Teri Mehfil Main Aay Hum Tu Naqsha Aur Hi Kuchh Tha
Taqaza Aur Tha Dil Ka,Muyassar Aur Hi Kuchh Tha

Para Tha Saamnay Meray,Na Sheesha Tha Na Paani Hi
Na Tha Jab Tak Wahan Saqi Tu Saaghar Aur Hi Kuchh Tha

Kabhi Jis Ko Kisi Ki Neelgoon Aankhon Sa Kehtay Thay
Jo Dekha Doob Ker Uss Main,Samunder Aur Hi Kuchh Tha

Nhin Tha Apni Qismat Main Kisi Ka Hamqadam Rehna
Lakeerain Jhoot Kehti Thin.Muqaddar Aur Hi Kuchh Tha

Na Tan Apna,Na Saans Apni,Na Ghar Na Yeh Zameen Apni
Jisay Hum Jeena Kehtay Thay Wo Chakkar Aur Hi Kuchh Tha

Faqat Pathar Hi Pathar Thay Wo Saaray Mom Ke Pekar
Haqeeqat Aur Hi Kuchh Thi,Bazaahir Aur Hi Kuchh Tha