Dar Shab Ka Wahan Kiun Na Bhala Taiz Bohat Ho

Dar Shab Ka Wahan Kiun Na Bhala Taiz Bohat Ho
Jis Ghar Mein Diya Aik, Hawa Taiz Bohat Ho

Sadiyon Ke Musafir Bhi Palat Aaein Ge Ik Roz
Ye Shart Ke Raftar_E_Sada Taiz Bohat Ho

Haath Us Ne Mere Khoon Mein Tar Kar Liye Aakhir
Khawahish Thi Use Rang_E_Hina Taiz Bohat Ho

Duniya Ki Hawas Phir Mujhe Barfab Na Kar De
Aye Garmi_E_Ahsah_E_Ana Taiz Bohat Ho

Sooraj Utar Aaya Hai Mere Sar Pe Ke MOHSIN
Sehra Ne Kaha Aabla Pa Taiz Bohat Ho