Dasht Main Qais Nahi

Dasht Main Qais Nahi Kooh Per Farhad Nahi
Wohi Hai Ishq Ki Dunia Magar Aabad Nahi

Rasm-E-Ulfat Main Rawa Shikawa-E-Be’dad Nahi
Ye Toh Kam Zarfi-E-Jazbaat Hai Faryad Nahi

Woh Mari Khaak Nasheeni K Mazay Kya Janey
Jo Mari Tarha Tumhare Raah Main Barbad Nahi

Dhoondney Ko Tumhain Aur Mujhe Na Milnay Wale
Woh Chala Nahi Jise Apna Bhi Pata Yaad Nahi

Hussun Se Chook Hui Is Ki Hai Tareekh Gawah
Ishq Se Bhool Hui Ho, Ye Mujhe Yaad Nahi