December K Awaail Main

December Kay Awaail Main
Ek Baar
Phir Say Teri Yaad
Mere Zehan Kay Dareechay Main
Dar Aayi
Phir Us Karab Naak Shaam Ka Manzar
Ghoom Gaya Meri Aankhon Main
Jab Kay Hum Bichray Thay
Is Ehad Kay Saath
Kay
Phir Na Kabhi Milain Gay
Aur Na Yaad Karain Gay Ek Dosray Ko
Laiken Na Janay Kyun
Jab Bhi December Aaata Hai
Teri Yaad Ka Samandar
Mere Dil Main Umand Aata Hai
Phir Us Karab Naak Shaam Ka Manzar
Meri Aankhon Main Ghoom Jata Hai