Dee Gai Kiss Ko Saza, Aur Khata Kis Ki Thi

Zakhm_E_Tanhai Mein Khushbo_E_Hina Kis Ki Thi
Saaya Deevar Per Mera Tha, Sada Kis Ki Thi

Os Ki Raftaar Say Lipti Raheen Ankhein Meri
Os Ne Murr Kar Bhi Na Dekha K Wafa Kis Ki Thi

Ansuon Say He Bhar Gaya Daaman Mera
Haath To Main Ne Uthaaya Tha, Dua Kis Ki Thi

Meri Aahon Ki Zaban Koi Samjhta Kaisay?
Zindagi Etni Dukhi Meray Siva Kis Ki Thi

Aag Say Dosti Os Ki Thi, Jala Ghar Mera
Dee Gai Kiss Ko Saza, Aur Khata Kis Ki Thi