Dhoop Ki Deewar Aasman Ko Chhoo Jaye Gi.

Dhoop Ki Deewar Aasman Ko Chhoo Jaye Gi
Chand Paton Ki Chhaon Sar Kaisy Uthaye Gi

Fasal_E _Gham Pak Kar Tayar Kharri Hai Kab Se
Khushiyon Ki Daranti Mushkil Se Kat Paye Gi

Qariya_E_Jaan Ke Makanon Ki Jarrein Pahly Hi Kamzor Hain
Mosla Dhar Barish Ne Jane Ab Kiya Rang Laye Gi

Nafrat Ke Libas Mein Qaid Hai Har Insan
Mohabbat Ki Chingari Kitny Daman Jalaye Gi

Kuch Dalliyon Se Chhaon Ke Faiz Nahi Milty
Nagan Doodh Pee Kar Jaty Waqat Das Jaye Gi

Jis Ka Naam Saja Hai Labon Par Tabasum Ki Tarah
Us Gulab Ko Band Kitab Mein Kaisay Roman Dafnaye Gi