Dil Aaj Uski Yaad Ka

Dil Aaj Uski Yaad Ka Lashkar Liye Huey
Seene Mai Zakhm Karta Hai Patthar Liye Huey

Main Phool Shahr Bhar Ki Nazar Kar To Raha Hoon
Janib Ye Kon Aa Raha Khanjar Liye Huey

Maloom Hai Ye Neend Rulaayegi Aaj Raat
Main So Raha Hoon Khaab Bhi Banjar Liye Huey

Saqi Hai Pyaas Aaj Mujhe Shiddaton Waali
Aa Jaao Mere Paas Tum Koshar Liye Huey

Manzil Pe Pohach Hi Gaya Tha Sambhal Ke Main
Paon Se Aa Laga Koi Thokar Liye Huey

Dushman To Khair Duahman They Lekin Ye Kya Hua
Aaye Kareeb Dost Bhi Nashtar Liye Huey

Ye Zindagi Apna Na Sakegi Mujhe Ae "Shams"
Jaaoun Kahan Ye Bigrra Muqaddar Liye Huey