Dil Ki Baat Labon Par La Kar

Dil Ki Baat Labon Par La Kar, Ab Tak Hum Dukh Sehty Hain
Hum Ne Suna Tha Is Basti Mein, Dil Waly Bhi Rehty Hain

Aik Hamein Aawara Kehna, Koi Barra Ilzaam Nahi
Duniya Waly Dil Walon Ko, Aur Bohat Kuch Kehty Hain

Beet Gaya Sawan Ka Maheena, Mausam Ne Nazrein Badli
Lekin In Piyasi Aankhon Se, Ab Tak Aanso Behty Hain

Jin Ki Khatir Shehr Bhi Chhora, Jin Ke Liye Badnam Howe
Aaj Wo Hi Hum Se, Baigany Baigany Se Rehty Hain