Dil Yun Dharka K Pareshan Hua Ho

Dil Yun Dharka K Pareshan Hua Ho Jaisay
Koi Be-Dhyaani Mein Nuksaan Hua Ho Jaisay

Rukh Badaltaa Hun To Shah Rugg Mein Chubhan Hoti Hai
Ishq Bhi Jung Ka Medaan Hua Ho Jaisay

Jism Yun Lamss E Rafaqat K Asar Se Niklaa
Dosre Dor Ka Samaan Hua Ho Jaisay

Dil Ne Phir Mere Seene Me Faqeeri Rakh Di
Tot Ker Khud Hi Pashemaan Hua Ho Jaisay

Thaam Ker Haath Mera Ese Vo Roya Mohsin
Koi Kafir Se Musalmaan Hua Ho Jaisay