Gham E Dam Ki Uljhanon Se Me Kbhi Riha Nahi Hun

Gham E Dam Ki Uljhanon Se Me Kabhi Riha Nahi Hun
Me Jee Raha Hun Lekin! Me Kabhi Jiya Nahi Hun

Tere Baad Mujh Ko Lene Meri Manzlain Bhi Aain
Me Wahin Khara Hua Hun Me Palat Gaya Nahi Hun

Ujrey Se Kaghzon Pe Hun Mit'ta Hua Fasana
Me Parha Gaya Hun Lekin! Samajh Aa Saka Nahi Hun

Bazaar E Bebasi Me Meri Qeemtain Lagi Hen
Me Ne Khudi Na Bechi Me Kabhi Bika Nahi Hun

Mujey Sang Sang Kar Ke Youn Chhor Jane Walo
Me Zakham Zakham Hua Hun Me Abi Gira Nahi Hn

Baad E Bahaar Roko! Me Bharak Na Jaon Phir Se
Mujh Me Chingaarian Hen Me Abhi Bujha Nahi Hun

Me Kho Gaya Hun Mujh Ko Dekha He Kia Kisi Ne?
Me Talaash Kar Raha Hun Me Abhi Mila Nahi Hun