Ghum-e-Judaai

De Ker Ghum-e-Judaai Woh Jaane Kidher Gaya
Burpaa Qayamatein Jo Mere Dil Pe Ker Gaya

Jaate Hue Woh Le Ke Dua Ka Aser Gaya
Mujhe Ko Ghum-e-Hayat Se Begaana Ker Gaya

Dekha Jo Sooye Taj Mehel, Dil Ne Ye Kaha
Fun To Raha Hai Zinda Ke Funkaar Mer Gaya

Kia Yaad Ker Sake Ga Yahan Per Mujhe Koi
Sheraaza Meiri Husti Ka Jis Din Bikher Gaya

Phir Ajj Usi Ko Dhoondti Hai Ye Nigaah-e-Shouq
Dekhe Jise Ae Sanam Zamaaana Guzer Gaya