Hai Dua Yaad Mgr Hurf-E-Dua Yaad Nahi

Hai Dua Yaad Magar Harf-E-Dua Yaad Nahi
Mere Nagmat Ko Andaz-E-Nava Yaad Nahi

Main Ne Palkon Se Dar-E-Yar Pe Dastak Di Hai
Main Wo Sail Hun Jise Koi Sada Yaad Nahi

Hum Ne Jin Ke Liye Rahon Mein Bichaya Tha Lahu
Hum Se Kahate Hain Wohi Ahad-E-Vafa Yaad Nahi

Kaise Bhar Aain Sar-E-Shaam Kisi Ke Aankhen
Kaise Tharrae Charagon Ke Ziya Yaad Nahi

Sirf Dhundhalai Sitaron Ke Chamak Dekhi Hai
Kab Hua Kon Hua Kis Se Khafa Yaad Nahi

Zindagi Jabr-E-Musalasal Ke Tarah Kati Hai
Jane Kis Jurm Ke Pai Hai Saza Yaad Nahi

Aao Ik Sajda Karen Aalam-E-Madhahoshi Mein
Kahate Hain Ke “Sagar” Ko Khuda Yaad Nahi