Hijer Mein Kyun Rulatey Ho

Hijer Mein Kyun Rulatey Ho Kahan Hotey Ho
Lout Ker Kyun Nahi Aatey Kahan Hotey Ho

Mujh Se Bichrey Ho To Mehboob E Nazer Ho Kis K
Aaj Kal Kis Ko Manatey Ho Kahan Hotey Ho

Shab Ki Tanhai Mein Akser Yeh Kheyal Aata Hai
Apney Dukh Kis Ko Sunatey Ho Kahan Hotey Ho

Sard Raaton Mein Tumhein Kesey Bhula Sakta Hoon
Aag Si Dil Mein Lagatey Ho Kahan Hotey Ho

Sheher K Log Bhi Akser Yeh Sawal Kertey Hein
Ab Bohat Kam Nazer Aatey Ho Kahan Hotey Ho