Hum Ne Kis Din Tere Koochy Mein

Hum Ne Kis Din Tere Koochy Mein Guzara Na Kiya
Tu Ne Aye Shok Magar Kaam Hamara Na Kiya

Aik Hi Baar Huwi Wajha_E_Girftar_E_Dil
Iltfat Un Ki Nigahon Ne Dobara Na Kiya

Mehfil_E_Yaar Ki Reh Jaye Gi Aadhi Ronaq
Naaz Ko Us Ne Agar Anjuman Aara Na Kiya

Ta'an_E_Ahbab Suny, Sarznash_E_Khalq Sahi
Hum Ne Kiya Kiya Teri Khatir Se Gawara Na Kiya

Jab Diya Tum Ne Raqeebon Ko Diya Jaam_E_Sharab
Bhool Kar Bhi Meri Janib Ko Ishara Na Kiya

Roo_Ba_Roo Chashm_E_Tasawr Ke Wo Har Waqat Rahe
Na Sahi Aankh Ne Gar Un Ka Nazara Na Kiya

Gar Ye Hi Hai Sitam_E_Yaar To Hum Ne HASRAT
Na Kiya Kuch Bhi Jo Duniya Se Kinara Na Kiya