Husn Aur Waqt

Uskay Bol Hawa Ka Jhonka
Khushboo Uss Ke Naam Ki Daasi

Uski Chaal Samay Ka Pekar
Uski Aankhain Jheel Kinaara

Nazak Badan Gulaab Ki Patti
Chehra Jaisay Sehri Taara

Baat Karay Tu Moti Chhalkain
Muskaay,Jag Joomay Sara

Jab Wo Chalti Tu Yoon Lagta
Jaisay Mast Bahaar Aai Hai

Lamhon Ki Gardish Ne Kya Kya
Soorat Apni Dikhlaai Hai

Tab Thi Wo Mehfil Ki Raonaq
Ab Hay Wo Ya Tanhaai Hai

Jhurrion Walay Chehray Pe Ab
Na Wo Husn Na Raanai Hai

Maathay Per Fikron Ki Lahrain
Rooh Main Gham Ki Angraai Hai

Uski Aik Jhalak Ka Shaida
Uski Aik Nazar Ka Khwahan

Harjaai,Betarb Zamana
Ab Khamosh Tamashai Hai