Ishq Ke Beemar

Jidhar Dekho Udhar Hi Ishq Ke Beemar Baithe Hain
Hazaaro Mar Chuke Hain Saikdo Tayyar Baithe Hain

Koi Hai Ishq Me Pagal To Koi Ab Divana Hai
Kahen Ye Kis Se Haal-E-Dil, Bahot Zalim Zamana Hai

Hai Ishq Gar Aag Ka Darya To Maujon Ki Ravani Hai
Ki Bn Jaoge Afsana, Agar Behis Javani Hai

Abhi To Thokar Khaya Hai, Abhi Zakhm Khana Baaqi Hai
Ye Aisa Mai-Kada Thahra, Jahan Mazlum Saaqi Hai

Sambhala Na Agar Khud Ko Bhula Baithoge Ye Dunya
Kisi Ke Ishq Me Tum Bhi Jala Baithoge Ye Dunya

Abhi Bhi Waqt Hai Thahro, Ae Wamiq Tm Sambhl Jao
Tapish Ye Ishq Ki Zalim, Kahin Isme Na Jal Jao