Itna Paas Aa Ke Bhala Ab Ye Jhijakna Kaisa.

Itna Paas Aa Ke Bhala Ab Ye Jhijakna Kaisa
Saath Nikley Hain To Phir Raah Mein Thakna Kaisa

Mere Aangan Ko Bhi Khushboo Ka Koi Jhonka De
Sooney Jangal Mein Ye Phoolon Ka Mehakna Kaisa

Roshni Di Hai To Sooraj Ki Tarah De Mujh Ko
Jugnoon Ki Tarah Thora Sa Chamakna Kaisa

Hum To Duniya Ke Khayalat Badal Detey Thay
Guftagu Karne Mein Us Se Ye Atakna Kaisa

Khushk Aankhein To Hain Himat Ki Alamat MOHSIN
Zindagi Talkh Sahi Phir Bhi Sisakna Kaisa