Jaane Kyu Wo Shaks Door Khada Dikhayi Deta Hai

Jaane Kyu Wo Shaks Door Khada Dikhayi Deta Hai
Mere Qareeb Hai Phir Bhi Juda Dikhayi Deta Hai

Na Muskuraya Na Mere Sang Khul K Batain Ki
Mujhe To Wo Besabab Khafa Dikhayi Deta Hai

Main Ne Yun To Usay Apna Maan Kar Chaha Mager
Mujhe Aksar Wo Shaks Kisi Aur Ka Dikhayi Deta Hai

Wo To Kehta Hai K Kisi Soorat Main Bhi Mera Nhi
Jaane Phir Bhi Kyu Mujhe Wo Mera Dikhayi Deta Hai

Log Gintay Hain Uski Khamiyaan Mere Aagey Mager
Muhabat Main To Bura Bhi Bhala Dikhayi Deta Hai

Log Kehte Hain K Zalim Hai Bewafa Hai Wo
Mager Mujhe To Wo Paband E Wafa Dikhayi Deta Hai

Namuradiyun Ka Koi Mosam Kabhi Yun To Na Tha
Ab Ki Rut Main To Pathar Bhi Khuda Dikhayi Deta Hai