Jab Kabhi Chahay

Jab Kabhi Chahay Andheron Main Ujalay Us Ne
Kar Diya Ghar Mera Sholon K Hawalay Us Ne

Uss Pe Khull Jati Mere Shok Ki Shiddat Sari
Dekhay Hote Jo Mere Paon Mein Chhalay Us Ne

Jiska Har Aib Zamane Say Chupaya Main Ne
Mere Qissay Sar-E-Bazaar Uchhalay Us Ne

Jab Usay Meri Muhabbat Pe Bharosa Hi Na Tha
Kyun Diye Meri Wafaon K Hawalay Us Ne

Ek Mera Haath Hi Na Thama Us Ne Warna
Girtay Howe Kitne Hain Sambhalay Us Ne