Jaisay Parwana Diyay Per Koi Betaab Gira

Maoja E Hast Pe Yoon Zeest Ka Habaab Gira
Jaisay Parwana Diyay Per Koi Betaab Gira

Zameen Larz Rahi Hai Farogh E Hiddat Se
Aankh Se Ashk Gira Hai Ya Aaftaab Gira

Iss Nifaasat Se Uttha Hoon Tumhari Mahfil Se
Toot Ker Jaisay Narm Shaakh Se Gulaab Gira

Zara Jo Aankh Uttha Pao Gay Tu Dekhain Gay
Ye Main Nazar Se Gira Hoon Ya Mera Khwab Gira

Kahan Sawal Zamanay Kay Gira Paai Ussay
Mera Saqi Tu Koi Soch Ker Jawab Gira

Paanay Walon Nay Manazil Ke Bhaid Paa Bi Liyay
Rind Pyalay Main Faqat Dekh Ker Sharaab Gira

Kirchiyon Ki Tarah Bikhri Pari Hain Taabeerain
Yaad Ki Waadi E Sarsabz Main Ik Khwaab Gira