Jala Kay

Jala Kay Tu Bhi Agar Asra Na Day Mujhko
Yeh Khauf Hai Kay Hawa Phir Bujha Na Day Mujhko

Main Is Khayal Say Mur Mur Kay Dekhta Hun Ussay
Bichar Kay Woh Bhi Kahin Phir Sada Na Day Mujhko

Fiza-E-Dasht Agar Ab Main Ghar Ko Yaad Karun
Woh Khak Uray Kay Hawa Rasta Na Day Mujhko

Bus Is Khayal Say Main Shab Bhar Soo Nahi Sakta
Kay Khauf-E-Khuwab-E-Gushta Jaga Na Day Mujhko

Teray Bagair Teri Tarha Main Zinda Rahun
Yeh Hosla Bhi Dua Kar Khuda Na Day Mujhko

Main Is Liye Bhi Ussay Khud Manaoo Ga Mohsin
Kay Mujhsay Roothnay Wala Bhula Na Day Mujhko!