Kal Tere Shehr Ka Ek Shakhs Mila.

Kal Tere Shehr Ka Ek Shakhs Mila Jo Mujh Se
Baaton Baaton Mein Tera Zikar Bhi Zalim Ne Kiya

Naam Kia Aaya Tera Us Ke Labon Par Jana
Jis Tarah Rooh Jism Se Khinch Kar Aaya

Youn Laga Mout Ke Saaye Mere Sar Pe Aaye
Phir Tere Piyar Ki Paazeib Achanak Chhanki

Phir Mera Wehm Dilaason Ki Hadon Se Nikla
Phir Meri Aankh Mein Sawan Ke Katoray Chhalkay

Phir Meri Jaan Pe Qayamat Ki Gharri Aa Thehri
Phir Mere Dil Ne Ajab Maangi Dua MAALIK Se

Aaj Ke Baad Tera Zikar Kare Na Koi
Aaj Ke Baad Koi Tera Shanasa Na Milay