Khowab

Dekh Lo Khowaab Magar Khowaab Kaa Charchaa Na Karo
Log Jal Jaayenge Suuraj Kii Tamannaa Na Karo

Vaqt Ka Kyaa Hai Kisi Pal Bhi Badal Sakataa Hai
Ho Sake Tum Se To Tum Mujh Pe Bharosaa Na Karo

Kirchiyaan Tuute Hue Aks Ki Chubh Jaayengi
Aur Kuch Roz Abhi Aa_Iinaa Dekhaa Na Karo

Ajanabi Lagane Lage Khud Tumhen Apanaa Hi Wajood
Apane Din Raat Ko Itanaa Bhi Akelaa Na Karo

Khowaab Bachchon K Khilaunon Kii Tarah Hote Hain
Khowaab Dekhaa Na Karo Khowaab Dikhaayaa Na Karo

Be-Khayaalii Mein Kabhi Ungaliyaan Jal Jaayengi
Raakh Guzare Hue Lamhon Ki Kuredaa Na Karo

Mom K Rishte Hain Garmii Se Pighal Jaayenge
Dhoop K Shahar Mein Aazer Ye Tamaashaa Na Karo