Khushboo Ye Kis Ki Pheli

Khushboo Ye Kis Ki Pheli Ujray Huway Chaman Main
Ye Kon Muskruraya Yaadon Ki Anjuman Main

Jazbaat Ke Wo Naghmay,Ahsaas Ke Wo Moti
Aur Inke Siwa Kya Hai Meray Kamaal E Fun Main

Jabke Chahaar Janib Bikhray Paray Hain Lashay
Shokhi Kahan Se Aay Iss Daor Ke Sukhan Main

Muddat Ke Baad Dekha Wo Nazneen Paiker
Na Muskuraati Aankhain,Na Roop Bankpan Main

Ye Raah E Muhabbat Hai,Ye Raaz Ki Baatain Hain
Bantay Hain Kaisay Gohar In Seepiyon Ke Tan Main

Koi Nenawaz Aaya Tu Nawaz Yaad Aaya
Kya Phool Bo Gya Hai Sehraaon Ke Badan Main